PIMPRI : संकट काळात मुक्या प्राण्याची हि काळजी घेणे आवश्यक – आमदार अण्णा बनसोडे
शबनम न्यूज : २९ मे ( पिंपरी चिंचवड ) – हॉटेल अथवा खानावळीतील उरलेल्या अन्नपदार्थांवर जगणाऱ्या मुक्या प्राण्यांना लॉकडाऊन मध्ये अन्न मिळणे मुश्कील झाले आहे. अन्न मिळत नसल्याने प्राण्याची केविलवाणी अवस्था होत आहे .या पार्श्वभूमीवर जनावरांना चारापाणी व भटक्या कुत्र्यांना अन्न देण्याचा उपक्रम याला पिंपरी विधानसभेचे आमदार अण्णा बनसोडे यांनी मदतीचा हात दिला आहे व 1 महिन्याचं खर्च जवळपास 90 हजार रुपये ची मदत आमदार यांनी केली आहे या संकट काळात मुक्या प्राण्याची हि काळजी घेणे आवश्यक असल्याचे आमदार अण्णा बनसोडे यांनी सांगितले आहे. हे उपक्रम राबवणारे Feed the Dog Initiative आकांक्षा मिश्रा, राहुल पालांडे ,सिद्धेश मेहेर ,शशांक मिश्रा, सून्नू पणीवर ,मितिषा सोनिगरा,श्रद्धा पाटील,अमर काटे यांनी लॉकडाऊन सुरू झाल्यापासून हाती घेतला आहे .पुण्यातील औंध-रावेत बी आर टी रोड ,पिंपरी चिंचवड ,चाकण एमआयडीसी ,चिखली स्पाईन रोड ,यमुना नगर ,तळवडे, किवळे मोहन नगर चिंचवड आदी भागातील मुक्या जनावरांना अन्न पाणी देण्याचे कार्य अखंडितपणे सुरू आहे .रोज बाराशेहून अधिक भटक्या कुत्र्यांना 82 किलो पेन्डीगेरी 80 किलो पोहे असे सुमारे नव्वद हजार रुपये किमतीचे डॉग फुड देत आहेत .
…….
